"मी मराठी फाऊंडेशन" ही एक नोंदणीकृत सामाजिक व सांस्कृतिक संस्था असून ती जेपी नॉर्थ गार्डन सिटी (NGC), विनय नगर, मीरा रोड (पूर्व) येथे कार्यरत आहे. ही संस्था २०२५ साली औपचारिकरित्या नोंदणीकृत झाली असून तिचा उगम "मी मराठी NGC" या ग्रुपमधून झाला आहे, जो मागील ५ ते ६ वर्षांपासून जेपी नॉर्थ आणि आजूबाजूच्या परिसरात सामाजिक कार्यक्रम सक्रियपणे करीत होती.
या संस्थेमार्फत आजतागायत जे पी नॉर्थ आणि विनय नगर मधील १,०००+ मराठी कुटुंबे एकत्र जोडली गेली आहेत. ही सर्व कुटुंबे महाराष्ट्रातील विविध भागांतून येथे स्थायिक झाली आहेत आणि या संस्थेमुळे त्यांना एक मजबूत सामाजिक व्यासपीठ मिळाले आहे.