मीरा रोड येथील जेपी नॉर्थ गार्डन सिटी (NGC) व विनय नगर परिसरातील नागरिकांसाठी सायकल ट्रॅकच्या भूमिपूजन समारंभाचे आयोजन करण्यात आले.
आरोग्यदायी जीवनशैली, पर्यावरणपूरक प्रवास आणि नागरिकांसाठी सुरक्षित सायकलिंगला प्रोत्साहन देण्याच्या दृष्टीने हा सायकल ट्रॅक परिसरासाठी एक महत्त्वपूर्ण उपक्रम ठरणार आहे.
या भूमिपूजन समारंभाला परिसरातील नागरिक, सामाजिक कार्यकर्ते आणि मान्यवरांची उपस्थिती लाभली. या प्रकल्पामुळे नागरिकांना सायकलिंगसाठी अधिक सुरक्षित व सुयोग्य सुविधा उपलब्ध होण्यास मदत होणार असून, “निरोगी समाज आणि स्वच्छ, हरित परिसर” या संकल्पनेला बळ मिळणार आहे.
मी मराठी फाऊंडेशन सामाजिक बांधिलकी जपत परिसराच्या विकासासाठी आणि नागरिकांच्या हितासाठी विविध उपक्रमांमध्ये सातत्याने सक्रिय सहभाग घेत आहे. सायकल ट्रॅकसारखे उपक्रम हे परिसराच्या सर्वांगीण विकासाच्या दिशेने एक सकारात्मक पाऊल आहे.
या महत्त्वपूर्ण उपक्रमाच्या शुभारंभासाठी उपस्थित राहिलेल्या सर्व नागरिकांचे व मान्यवरांचे मी मराठी फाऊंडेशनतर्फे मनःपूर्वक आभार!
मी मराठी फाऊंडेशन
एकत्र येऊया… परिसर घडवूया… भविष्य सुरक्षित करूया!
