मी मराठी फाऊंडेशनतर्फे उत्साहात गुढीपाडवा उत्सव साजरा

मी मराठी फाऊंडेशनतर्फे जेपी नॉर्थ गार्डन सिटी (NGC) व विनय नगर परिसरातील मराठी बांधवांना एकत्र आणत गुढीपाडवा उत्साहात आणि पारंपरिक पद्धतीने साजरा करण्यात आला.

मराठी नववर्षाची सुरुवात असलेल्या गुढीपाडव्याच्या निमित्ताने परिसरातील अनेक मराठी कुटुंबांनी एकत्र येत आपली संस्कृती, परंपरा आणि मराठी अस्मिता जपण्याचा आनंद अनुभवला. उत्सवाच्या माध्यमातून लहानांपासून ज्येष्ठांपर्यंत सर्वांनी उत्स्फूर्त सहभाग घेतला.

या कार्यक्रमामुळे परिसरातील मराठी कुटुंबांना एकमेकांशी संवाद साधण्याची, नव्या ओळखी निर्माण करण्याची आणि आपली संस्कृती पुढील पिढीपर्यंत पोहोचवण्याची सुंदर संधी मिळाली.

“सणांच्या माध्यमातून एकत्र येऊ, संस्कृती जपू आणि समाजाशी नाते अधिक घट्ट करू” या उद्देशाने मी मराठी फाऊंडेशन सातत्याने विविध सामाजिक व सांस्कृतिक उपक्रम राबवत आहे.

गुढीपाडवा उत्सवात सहभागी झालेल्या सर्व मराठी बांधवांचे मनःपूर्वक आभार!

मी मराठी फाऊंडेशन
एकत्र येऊया… संस्कृती जपूया… समाज घडवूया!